په هلمند پوهنتون کي ۲۱۰ عدده استهلاک سوي چوکۍ ترمیم او بېرته ګټي اخیستني ته وسپارل سوې.
د هلمند پوهنتون د ساتني او خوندیتو مدیریت له لوري، د خدماتو مدیریت په همکارۍ، ۲۱۰ عدده استهلاک سوي چوکۍ ترمیم او بېرته ګټي اخیستني ته وسپارل سوې.
د مسؤلینو په وینا، د یادو چوکیو د ترمیم بهیر د پوهنتون د رهبرۍ په لارښوونه، په پوهنتون کي د بیت المال اړوند توکو د ښه ساتني او د موجودي بودیجې د مؤثري او محتاطانه کاروني په موخه پیل سوی و.
دوی زیاتوي، چي د دې بهیر په دوام کي به د هلمند پوهنتون یو شمېر نور استهلاک سوي توکي هم ترمیم او د بیا کاروني وړ وګرځول سي، څو له سته امکاناتو څخه غوره استفاده وسي او د اضافي لګښتونو مخه ونیول سي.
د پوهنتون اداره هڅه کوي، چي د بیت المال د شتمنیو د ساتني ترڅنګ، د موجودو امکاناتو له بیا کاروني څخه په استفادې د ادارې د اړتیاوو یوه برخه پوره کړي.
