د پروپوزل او مونوګراف ليکلو لارښود سمينار ارائيه سو
نېټه: ۱۴۴۶/۴/۲۱ هـ ق
نن پنج شنبه د هلمند پوهنتون د غونډو تالار کښې د څېړني کمېټې له لوري د مونو ګراف ليکلو لارښود علمي سمينار وړاندي سو.
په سمينار کي د پوهنځيو رئيسانو، امرينو، استادانو او محصلانو ګډون درلود.
د پيل په وينا کي د ښووني او روزني پوهنځي رئيس پوهنمل وحيدالله آميري د ياد علمي سمينار ارزښت او موخي روښانه کړې.
بيا د هلمند پوهنتون د ښووني او روزني پوهنځي د استادانو له لوري ياد علمي سمينار پيل سو.
د سمينار لومړى برخه د پښتو څانګي استاد او د علمي مجلې آمر دوکتور نوراحمد ايمل له لوري د موضوع ټاکلو، د لارښود استاد مسؤليتونو او دغه راز د جعل کارۍ څخه د ساتني په اړه معلومات وړاندي کړه.
په دوهمه برخه کي د ياد پوهنځي د فزيک څانګي استاد پوهنيار عبدالوحيد زيار د مونو ګراف متني او شکلي جوړښت او پروپوزل جوړولو په اړه خبري وکړې.
په وروستي کي د انګليسي څانګي استاد عبدالحميد آرين د سرليک ثبتولو، د عنوان بدلولو او کنفرانس ارائيه کولو په اړه مطالب شريک کړل.
سمینار د اختتاميه دعا په ويلو پاى ته ورسېده.
