.راغلي پلاوي د مسلکي پرمختیا مرکز د چارو د نظارت او ارزونه ترسره کړل
نن یکشنبه د لوړو زده کړو وزارت د استادانو د تقرر او علمي ترفیعاتو ریاست اړوند د علمي کادر غړو د علمي او مسلکي ظرفیت د لوړاوي آمریت څخه راغلي دوه کسیز پلاوي، چيمشري یې د یاد آمریت آمر محترم مفتي محمد سعید مدني کوله او ورسره د تخنیکي چارو کارپوه محترم احمد الله کاکړ مل و، د هلمند امارتي پوهنتون د مسلکي پرمختیا مرکز څخه د چارو نظارت او ارزونه ترسره کړه.
یاد پلاوي د هلمند امارتي پوهنتون د مسلکي پرمختیا مرکز اداري چاري، کلني او عملي پلانونه، د تطبیقسویو برنامو اسناد، سوابق او راپورونه په تفصیلي ډول وڅېړل. همداراز د مرکز د ترسره سویو فعالیتونو د کیفیت، اغېزمنتیا او دوامدار پرمختګ ارزونه هم وسوه.
د پلاوي مشر محترم مفتي محمد سعید مدني ددې پوهنتون د مسلکي پرمختیا مرکز له خوا د ترسره سویو فعالیتونو ستاینه وکړه او زیاته یې کړه، چي په پوهنتونونو کي د مسلکي پرمختیا مرکزونه د مغز حیثیت لري؛ که چېري دا مرکزونه فعاله وي، نو ټول پوهنتون ورسره فعاله او متحرک ښکاري. نوموړي ددې مرکز سره د هلمند پوهنتون د رهبرۍ همکاري او ملاتړ هم وستایه.
د هلمند پوهنتون رهبرۍ په یوه ځانګړې لیدنه کي خپل وړاندیزونه له راغلي پلاوي سره شریک کړل او د پلاوي مشر د یادو وړاندیزونو د تعقیب او لازمي رسېدني ژمنه وکړه.
