هلمند پوهنتون کي د علمي رتبو علمي کنفرانسونه وړاندي سوه
د هلمند پوهنتون دوو تنو استادانو د پوهنملى علمي رتبو کنفرانسونه د ژوري هیئت په حضور کي وړاندي کړه.
په یادو کنفرانسونو کي د هلمند پوهنتون رهبري، ژوري هیئت پوهندوي دوکتور علي احمد احمدي، پوهنمل دوکتور نور احمد اېمل، پوهنمل دوکتور عبدالاحد ارین، استادانو او ادارې همکارانو ګډون کړی و.
غونډه د قرآنکریم د مبارکو ایاتونو په تلاوت سره پیل سوه.
د هلمند پوهنتون د شرعیاتو پوهنځي د فقه او قانون څانګۍ استاد پوهنیار محمد ظاهر مدثر د "اسلامي شریعت له نظر د ښځي زینت" او د ښووني او روزني پوهنځي د ریاضي څانګۍ استاد پوهنیار بشیر احمد بابازوی "د لومړی ترتیب معمولي تفاضلي معادلو د استعمال ځایونه" تر سرليکونو لاندي د پوهنملى علمي رتبو اړوند کنفرانسونه د ژوري هیئت په حضور کي وړاندي کړه.
د کنفرانسونو وروستي برخه کي مناقشه ترسره سوه او د ګډونوالو پوښتنو ته تفصیلي ځوابونه ورکړل سوه.
د ژوري هیئت له لوري یاد علمي کنفرانسونه د ټولني د استفادې وړ او تائید وګرځېده.
غونډه په اختتامیه دعا سره پای ته ورسېده.
نېټه: ۵/۱۲/۱۴۴۵ ه.ق
هلمند پوهنتون
د عامه پوهاوي او نشراتو لوی مدیریت
